Универзитет Американ Колеџ Скопје е високообразовна институција која ги комбинира најдобрите образовни методи и практики од американскиот и европскиот образовен систем. УАКС е основан под закрила на мотото дека сите луѓе се збогатени преку образованието. Основан во 2005-та година, како еден од неколкуте приватни и независни универзитети во Македонија, ја стекнува својата првобитна акредитација од страна на Одборот за акредитација и решението за вршење високообразовна дејност од страна на Министерството за образование и наука на РМ.
УАКС се смета за Универзитет од третата генерација – универзитет кој е незавизен од владина поддршка, спроведува настава воглавно на англиски јазик, и функционира во рамки на регионален или глобален пазар.
Работењето на УАКС се води според принципите „ТРИ-М“:
o Меѓународен наставен кадар;
o Меѓународни студенти;
o Меѓународни наставни програми, учебници и наставни помагала.
Ова е универзитет каде што се цени секој студент, каде што секој студент е сфатен сериозно, и каде што наставниот кадар ги знае студентите по име. Темелното внимание посветено на секој студент поединечно е карактеристика која го издвојува УАКС од останатите универзитети. И најважно од се, акцент е ставен на професионализамот и на холистичкиот образовен пристап кон студентскиот развој.
Мисијата и визијата на УАКС се меѓународната компонента од која произлегува јачината и додадената вредност.
Тие претставуваат патоказ кој води до патот на врвното образование, кадешто се создава и образува секој студент поединечно. Со цел да ја исполни својата мисија, УАКС е посветен на унапредувањето на образованието и споделувањето на нови знаења кои ќе го подобрат животот на граѓаните на Р.Македонија.
Нашата визија е да се зголеми способноста на студентите да размислуваат критички и да го применат стекнатото знаење практично. Можностите и предизвиците на универзитетот се следат и соодветно се приспособуваат со цел да излезат во пресрет на барањата на нашите засегнати страни.
Движечката сила на општеството која што ги поврзува побарувачката и понудата на пазарот за труд е преседант за нашиот успех. Нашата посветеност кон заедницата е да обезбедиме тренинг и професионална поддршка на бизнис заедницата и владата. Најважно од се, УАКС придонесува за заедницата преку образување на квалитетен млад кадар кој е подготвен да пристапи кон пазарот за труд со големо теоретско и практично искуство.