Студентите на ФДЕИОН при УАКС во посета на ГфК Скопје
На 25 април (вторник) 2017 година, студентите по маркетинг при Факултетот за деловна економија и организациони науки при УАКС ја посетија локалната канцеларија на ГфК Скопје.
Студентите беа предводени од нивниот предметен наставник, д-р Љупчо Ефремов. Менаџерот за развој на бизнисот, г-ѓа Мевлија Грбовиќ, ја презентираше компанијата и даде краток осврт на маркетинг индустријата во државата.
Студентите се впуштија во дискусија со вработените, на теми како однесување на потрошувачите и користење на истражувања од страна на маркетинг одделите.
