Тимски натпревар по финансиско сметководство на УАКС

На 14 декември 2017 година, во рамки на предметот Финансиско сметководство, се одржа тимски натпревар во просториите на УАКС. Студентите се од насоките финансии и сметководство и ревизија. Натпреварот по финансиско сметководство веќе традиционално се одржува по трет пат.

Под менторство на доц. д-р Душица Стевчевска-Србиноска, студентите изработија проекти со кои беше опфатена воведна маркетинг, како и финансиска анализа на македонската кондиторска индустрија. Клучни претпријатија за споредба беа Европа АД Скопје и Витаминка АД Прилеп. Анализата наложи примена на алатките кои студените ги имаат изучено во доменот на сметководство, со цел интерпретација на финансиски податоци од годишните извештаи и препораки за унапредување на работењето на друштвата.

Презентацијата беше поддржана од Европа АД Скопје, преку нивно активно учество во комисијата за оценка заедно со доц. д-р Снежана Христова и доц. д-р Душица Стевчевска-Србинсока, но и награди за победниците и учесниците на натпреварот.

Европа АД Скопје е најстара фабрика за кондиторски производи на Балканот со вкупно годишно производство од 5,000 тона и богато производно портфолио достапно во 19 земји на Балканот и пошироко.

На презентацијата присуствуваа и гости од приватното средно училиште „САБА“ од Скопје.